返回網站

【MPFSmart 攻略】後生應該輸錢?

#mpf #強積金 #mpfsmart #退休
· MPF Smart

青春,決定 MPF 投資風險取態?

好多人話「後生應該比較進取,年紀大應該保守」。

呢句話聽起來無問題,但係害死好多人呀,點解,睇埋下面就知喇。

「後生應該輸得起錢,年紀大應該輸唔起錢」

我將句話改一改,你哋就見到嗰問題係邊。

邊嗰話後生仔應該輸錢㗎? 

邊嗰話輸得起,就應該要輸錢㗎?

從投資者角度,正確解讀應該係:投資有風險,輸錢是遊戲的一部份,即使最成功的投資者,亦曾經輸錢。 輸咗,須要用時間去追返,或用其他收入去補貼。

如果比較後生,輸咗,重有時間學習,亦有收入可以補貼。 愈後生,就愈有能力追返 (金額 = 時間 x 收入)。

但一般退休人退休後收入減少,就比較蝕底,因此應該相對減少高波動產品的比例。

最正確做法,應該睇能力,而非年紀去決定

高剩餘收入 (收入減必要開支),及高剩餘資產 (資產減必要儲備),可選擇較多的高波動投資產品,並配合時機調整比例。

例如:

一個60歲,有樓收租,每月收租 $10萬,必要支出 $3萬,炒股輸 $7萬,一個月收入可以補返條數,屬於可承受風險

一個25歲,月初欠債 $10萬,每月打工收入 $2萬,必要支出$3萬,炒股輸 $7萬 (借錢炒),下月欠債增至 $18萬,屬於雪上加霜,前路茫茫呀

大家明喇。

broken image
broken image

二十歲出頭的年青人,薪金一般萬餘元,供款不會太多,加上尚有四十多年才退休,能承受較高風險投資,可將大部份供款投資於較高風險的股票基金

broken image

40歲的你強積金戶口已累積一定回報,是時候調整指示成進攻可守,可更改現時分配及未來投資策略,一半繼續持有投資股票基金,一半改為選擇債券基金,或直接選擇股債混合的資產基金,當升市或跌市時仍能達到分散投資之效。

broken image

60歲的你強積金伴隨人生步入收成期,距離65歲後提取權益只有數年時間,是時候鎖定利潤,減低金融市場對一直以來投資收益的風險。可以更改現時分配及未來投資至港元短期儲蕃及短期債券的保守基金,雖然回報有機會跑輸通脹,但毋須擔心市況波動,靜待退休收錢。

文: Philip Sir

金融科技公司創辦人

以科技協助一般市民輕鬆管理投資及理財為目標

擁有多個國際性投資專業資格,及超過15年投資實戰經驗

MBA

CFA 特許金融分析師

CPA(US) 美國會計師

曾任國際金融機構高級副總裁

曾任香港大學商學院榮譽助理教授